تولين البكري تصدم جمهورها بخبر طلاقها بعد زواج دام يوماً

حصادنيوز-كشفت الممثلة السورية تولين البكري عن خبر صدم جمهورها، حيث أعلنت عن طلاقها بعد يوم واحد من زفافها، عبر صفحتها الخاصة على احد موقع التواصل الإجتماعي، وتحدثت بكري بأسف وإعتذرت من أهلها، وأشارت إلى أن سبب طلاقها يعود إلى أهل زوجها، الذين أجبروه أن يطلقها بإعتبارها امرأة مطلقة.
وكتبت: “رفقاتي…حبايبي، لكل اللي فرحولي من قلبون، ولكل اللي باركولي وتمنولي الخير بقول.. ومتل ماكنتوا معي نضاف وبقلب صافي وبمحبة فرحتوا لفرحي أنا واجبي بادلكم بنفس الصدق والصفاء وشيل كل تساؤل وإشارة استفهام عم تفكروا فيها.. بما أني بعد يوم من إعلان زواجي شلت كل الصور، أنا رح واجه مشكلتي معكم لأنو أد ماخبيت مافي شي بيدوم.. ومافي داعي لخبي لأني ماغلطت. بالعكس، أنا متلي متل أيا أنثى، بتحلم بالاستقرار والأمان والدفا والعيلة والحب. ارتبطت شرعآ بشب أبن عالم وناس وتزوجنا بعد ما تقدملي بشكل رسمي وحكا مع أهلي وطلبني على سنة الله ورسوله.. لكن للأسف كان لأهل هالشب اعتراض عليي ومآخذ، بما أنني مطلقة وممثلة و..و..الخ. واجبروه على فسخ عقد الزواج القائم بيننا. ماعندي شي خبيه لأني ماغلطت كل ذنبي كان أني طلبت الحلال مع هالشب. وبالنهاية كل شي لخير أكيد، وقسمة ونصيب. بس حابة قول لكل أم عندها شب عم تدور لأبنها على عروس من وجهة نظرها أخلاق هالعروس بتنطلق من عذريتها بحب قول لهالأم. يا سيدتي عذرية الروح أهم بكتير من عذرية الجسد… وبعتذر من أهلي قدام الكل لأني حطيتون بهالموقف بدون أي ذنب..شكرآ”.